[#體檢二三事] 點解會生蛇？
提起生蛇，大家第一時間會諗起 「好痛」，第二就係 「生蛇環繞條腰一圈就會死」。仲有呢？點解會生蛇？如何預防？如何治療？呢啲相對比較少人提。
其實生蛇嘅正確學名係「帶狀疱疹」，係以前曾經出過水痘，仲有啲殘餘病毒喺身體，當身體免疫力過低時，就有機會發出來。
由於病毒於人體神經，病發時，病毒就會沿着脊髓神經去到連接皮膚嘅表面，形成紅疹和水泡。所以常見嘅發病位置係背部和腰部，亦有機會出現喺頸及面部。
生蛇嘅高危一族包括：
• 曾經出過水痘
· 50歲後 （因為年紀大免疫力相對較差）
• 有糖尿病 / 高血壓
• 有類風濕性關節炎 / 紅斑狼瘡症
· 壓力大
而預防生蛇嘅方法包括：
· 50歲後打預防疫苗
· 保持開朗心情，減壓
· 多吃不同種類新鮮食物，平衡免疫力 （特別是不同顏色的蔬果，蛋，魚等)
如果不幸中招，「黃金七十二小時」內治療效果最顯著。所以如果出現水泡，紅疹等症狀，千祈唔好自己亂買藥膏搽，及時求醫最重要。
#生蛇 #帶狀疱疹
#呢個時勢要鬥健康鬥長命
#營養師 #Nutritionist #AnnieLee
Search